દોસ્ત

ભીડમાં લાખો મળે, પણ એક પ્યારો દોસ્ત છે,
ઝેર પીને જે હસાવે, એ જ ન્યારો દોસ્ત છે.

રાત અડધી, હાક મારી, ત્યાં જ ઊભો બારણે,
એ જ સાચો, એ જ મીઠો, એ સહારો દોસ્ત છે.

ચા, સમોસાં, ને ઉધારી, બિલ ધરે જ્યાં વેઇટર,
રોજ બોલે: ‘આજ મારો’, રોજ વારો દોસ્ત છે.

દૂર પરદેશે ગયો, વર્ષો થયાં, મળતો નથી,
તોય મારા જન્મદિનનો એક તારો દોસ્ત છે.

આ પરાગે ચાલવું છે એક દી છેલ્લી સફર,
કાંધ પર લઈ લાકડાંનો એ જ ભારો દોસ્ત છે.

– પરાગ રતનપરા

#ગઝલ #મિત્રતા #દોસ્તી #કૉલેજ #સંગાથ #પરાગરતનપરા
#GujaratiGhazal #Friendship #TrueFriend #CollegeDays #Companionship #ParagRatanpara