ધુમ્મસમાં

ગયું ખોવાઈ આખું આ સવારે નગર ધુમ્મસમાં,
ન દેખાતી કશે કેડી, ન સૂઝે ડગર ધુમ્મસમાં.

તને શોધું, તને ઝંખું, તને સાદો કરું, તોયે
અડોઅડ તું, છતાં તુજને અડે ના નજર ધુમ્મસમાં.

ગયો પરદેશ, ને ત્યાંથી હવે ના ફોન કે ચિઠ્ઠી,
હવે ડેલી ઉપર મા શોધતી તુજ ખબર ધુમ્મસમાં.

ભલે સૂરજ ન ઊગે, ને ભલે થીજે બધા રસ્તા,
હસો જો આપ, તો ઘટશે બધીયે અસર ધુમ્મસમાં.

પરાગે મ્હેક મૂકી છે, તમે એને જ અનુસરજો,
નહીં ભટકો, મજાની થઈ જશે સૌ સફર ધુમ્મસમાં.

– પરાગ રતનપરા

#ગઝલ #ધુમ્મસ #શિયાળો #પ્રતીક્ષા #માનીઆંખો #પરાગરતનપરા
#GujaratiGhazal #Fog #WinterMorning #Waiting #DiasporaLonging #ParagRatanpara