ધૂળનો ખેલ

આપણો મેળ પણ ધૂળનો ખેલ છે,
રૂસણું? એય બસ ભૂલનો ખેલ છે.

તું નથી, તોય આ ઓસરી મ્હેકતી,
યાદ તો ડાયરી-ફૂલનો ખેલ છે.

ડાળ પર પાંદડાં કેટલાં નાચતાં,
વૃક્ષ જાણે, બધો મૂળનો ખેલ છે.

હીંચકો ઓસરીનો હજી ઝૂલતો,
બાળપણ? એ ય તો ઝૂલનો ખેલ છે.

આ ગુલાબી ત્વચા, આ સુગંધી ઉમર,
આ પરાગે કહી: સ્થૂળનો ખેલ છે.

– પરાગ રતનપરા

#ગઝલ #સંબંધ #અહમ #ક્ષણભંગુર #બાળપણ #પરાગરતનપરા
#GujaratiGhazal #Relationships #Ego #Impermanence #Roots #ParagRatanpara