ધરા

ગળે ઝેર ભરતાં જ થાકી ધરા,
ડમરથી અમે આજ ઢાંકી ધરા.

કપાયાં ઘણાં ઝાડ, પંખી ગયાં,
રહી ચૂપ, ઊંચે ય તાકી ધરા.

હતી જ્યાં નદી, ત્યાં હવે રેત છે,
તિરાડે તિરાડે જ આંકી ધરા.

હજી અન્ન આપે, હજી ફૂલ ફળ,
કશું આપવાનું ય બાકી, ધરા!

પરાગે, વિકાસો તણા રથ ફરે,
અમે માનવીએ જ હાંકી ધરા.

– પરાગ રતનપરા

#ગઝલ #ધરતી #પર્યાવરણ #પ્રદૂષણ #પ્રકૃતિ #પરાગરતનપરા
#GujaratiGhazal #MotherEarth #Environment #Pollution #ClimateCrisis #ParagRatanpara