દીવડો

રાત કાળી, પવન, ઉંબરે દીવડો,
દીકરા કાજ મા ટેકરે દીવડો.

વાયરો ફૂંકતો, ઝૂંપડું ધ્રૂજતું,
તોય હસતો રહે છાપરે દીવડો.

જે ગયા યુદ્ધમાં, એ ન આવ્યા પરત,
આજ પણ ઝળહળે પાદરે દીવડો.

જાળ લઈ જે ગયો, એ હજી ના ફરે,
આંસુ સાથે તરે સાગરે દીવડો.

આ પરાગે લખી વાત બસ એટલી:
મન મહીં હોય તો મંદિરે દીવડો.

– પરાગ રતનપરા

#ગઝલ #દીવો #પ્રતીક્ષા #આશા #શ્રદ્ધા #પરાગરતનપરા
#GujaratiGhazal #Lamp #Waiting #Hope #InnerLight #ParagRatanpara