ડરે છે

હવે તો મકાનો અવાજે ડરે છે,
અને બારણાં પણ રિવાજે ડરે છે.

દિવાળી ય વીતી, નથી કોઈ આવ્યું,
હવે આ ઝરૂખાય સાજે ડરે છે.

વિદેશે વસે છે બધાં બાળ એનાં,
કદી રાતના ફોન વાજે, ડરે છે.

દવાઓ ભરી છે બધે ગોખલામાં,
હવે દીવડો પણ ઇલાજે ડરે છે.

પરાગે અચાનક જ ઘંટી વગાડી,
હવે વેચવાના તકાજે ડરે છે.

– પરાગ રતનપરા

#ગઝલ #ખાલીઘર #વૃદ્ધમાતાપિતા #એકલતા #વિદેશવાસ #પરાગરતનપરા
#GujaratiGhazal #EmptyNest #AgingParents #Loneliness #Diaspora #ParagRatanpara