દગો શાનો

ઘટે છે ચાંદ, એ તો રાતને દીધો દગો શાનો?
ખરે છે પાન, એમાં ડાળનો એકે ગુનો શાનો?

તમે આવ્યાં નહીં, તો પણ હશે મજબૂર મન તમનું,
પ્રતીક્ષા મેં કરી'તી, પણ તમારો વાયદો શાનો?

હસીને ઘાવ દીધા, તો હસીને ઘાવ લીધા મેં,
હિસાબો પ્રેમમાં માંડ્યા, નફો-તોટો થયો શાનો?

તમારી આંખમાં જોયું, પછી પ્યાલો નથી પીધો,
અમે તો હોશમાં છીએ, તમારો આ નશો શાનો?

પરાગે ફૂલને પૂછ્યું, ભ્રમર ચાલ્યો ગયો તો શું?
જવાબે ફૂલ બોલ્યું કે ‘ભ્રમર મારો ખરો શાનો?’

– પરાગ રતનપરા

#ગઝલ #પ્રેમ #પ્રતીક્ષા #વફા #મરીઝની_યાદ #પરાગરતનપરા
#GujaratiGhazal #LoveWithoutBlame #Waiting #Faithfulness #Intoxication #ParagRatanpara