ચોપડે

દિલ તને દીધું હતું, લખ્યું ઉધારી ચોપડે,
વ્યાજમાં આંખો ભરી, કેવી ખુમારી ચોપડે!

બાપની ખાતાવહીમાં ક્યાંય ના એનું ખરચ,
બાળકોની ફી, દવા, ઘરની સવારી ચોપડે.

શેઠ બોલ્યા: ‘ખોટ છે’, ભૂખે મજૂરો ઘેર ગ્યા,
પણ નફો ઊભો થયો, બાંધ્યો બજારી ચોપડે.

રાતભર મા જાગતી’તી, એ ન લખતી ક્યાંય પણ,
ના ચડી એની કદી માંદી પથારી ચોપડે.

ફૂલ વેચાયાં હજારો, મ્હેક ના વેચી ‘પરાગ’,
એ હવામાં ઓગળી, ના મેં ઉતારી ચોપડે.

– પરાગ રતનપરા

#ગઝલ #હિસાબ #પ્રેમ #પિતા #મા #પરાગરતનપરા
#GujaratiGhazal #LedgerOfLife #Love #FathersSacrifice #MothersLove #ParagRatanpara