ચોમાસું ને નગર

ચાર છાંટા આભથી ને માર્ગ પર જ તળાવ છે,
ઓફિસે જાવા હવે તો ભાડથી પણ નાવ છે.

શાકની લારી તરીને ગઈ નદીની પાર, ને
આજ ભીંડા ને ટમેટાં, કેસરી શો ભાવ છે.

મચ્છરોનો ઢોલ વાગ્યો, રાતભર ગરબા થયા,
ખાટલે આખું નગર, ને ઘર ઘરે બસ તાવ છે.

નાવમાં બેસી પધાર્યા, કેમરાના ફ્લેશમાં,
પૂરમાં પણ ચૂંટણીનો કોઈ સાચો દાવ છે.

સૌ કરે છે પોસ્ટ, ફોટા, લાગણી પણ, હે ‘પરાગ’,
કોણ પૂછે ઝૂંપડીને કેટલો ત્યાં ઘાવ છે?

– પરાગ રતનપરા

#ગઝલ #વ્યંગ #ચોમાસું #તંત્ર #ખાડારાજ #પરાગરતનપરા
#GujaratiGhazal #Satire #MonsoonMess #CivicNeglect #PoliticsOfFloods #ParagRatanpara