છૂટી ગયું

એક સપનું કાચનું, જે હાથથી છૂટી ગયું,
આંગણું, ઘર, ઓસરી, સૌ સાથથી છૂટી ગયું.

સાત ફેરા, સાત વચનો, સાત જન્મોનું વચન,
એક અમથી, સાવ નાની વાતથી છૂટી ગયું.

આલ્બમે હસતાં હજી બે જણ, અમર એ ક્ષણ મહીં,
સાથ છે દુનિયા કને, પણ જાતથી છૂટી ગયું.

ફૂલ એનું સૂકવેલું, ચોપડીમાં છે હજી,
મ્હેકનું વાદળ કદીનું રાતથી છૂટી ગયું.

ફૂલને પૂછ્યું પરાગે, ‘ક્યાં ગયું એ?’ તો કહે:
‘એક ઝાકળ જેમ બસ, એ ઘાતથી છૂટી ગયું.’

– પરાગ રતનપરા

#ગઝલ #તૂટેલાસંબંધ #વિચ્છેદ #સ્મૃતિ #પીડા #પરાગરતનપરા
#GujaratiGhazal #BrokenBond #Heartbreak #FadedLove #Memories #ParagRatanpara