છે સમય

ના અટકતી, ના ફરે પાછી, સવારી છે સમય,
ધાર દેખાતી નથી, એવી કટારી છે સમય.

રાય હો કે રંક, સૌ નાચે ઇશારે એકના,
એક દોરીથી નચાવે, એ મદારી છે સમય.

શ્વાસના સિક્કા ગણીને સાચવી રાખો, સખા,
વ્યાજ સાથે માગશે, એવી ઉધારી છે સમય.

રોજ થોડું, રોજ થોડું આયખું ઘટતું ગયું,
ચૂપ ઊભો તાકતો, એ તો શિકારી છે સમય.

ફૂલ ખરશે, પણ પરાગે મ્હેક દીધી વાયરે,
એ જ ખુશ્બૂ માગતો આજે ભિખારી છે સમય.

– પરાગ રતનપરા

#ગઝલ #સમય #કાળ #નશ્વરતા #જીવનબોધ #પરાગરતનપરા
#GujaratiGhazal #Time #Mortality #FleetingLife #LifeLessons #ParagRatanpara