છે હજી

વાળ ધોળા થઈ ગયા, મનમાં ઉમંગો છે હજી,
ચામડી પર કરચલીમાં પણ તરંગો છે હજી.

લાકડી લઈને ચડું છું, હાંફ ચડતો, તોય પણ,
આજ પણ ધાબે ચગેલા એ પતંગો છે હજી.

કાન ઓછું સાંભળે છે, આંખ ઝાંખું ભાળતી,
ભીતરે તો ઢોલ-ઝાંઝર ને મૃદંગો છે હજી.

ઓટલે બેઠો ગણું છું આવતાં વર્ષો તણા,
જીવવાના આજ પણ કેવા પ્રસંગો છે હજી!

ફૂલ ખરવાની ઘડી છે, તોય બોલ્યો આ પરાગ,
પાંખડીમાં આજ પણ એ સાત રંગો છે હજી.

– પરાગ રતનપરા

#ગઝલ #વૃદ્ધાવસ્થા #ઉમંગ #જીવનરસ #યુવાનમન #પરાગરતનપરા
#GujaratiGhazal #AgeingGracefully #ZestForLife #YoungAtHeart #Optimism #ParagRatanpara