બિચારો

લગનના ઉમંગે ફસાયો બિચારો,
પછી સાસરે જઈ દબાયો બિચારો.

દહેજે ફકત એક પંખો જ આવ્યો,
હતી કાર-આશા, ઠગાયો બિચારો.

ટપક્યું નયનથી પ્રિયાના જરા જ્યાં,
પછી પૂરમાં એ તણાયો બિચારો.

સવારે ગયો ચાલવા, શ્વાન પાછળ,
હતો દોડતો, ને ઘવાયો બિચારો.

પરાગે સુણાવી ગઝલ મંચ પરથી,
સભામાં બગાસાં, છુપાયો બિચારો.

– પરાગ રતનપરા

#ગઝલ #હાસ્ય #પતિ #લગ્નજીવન #રમૂજ #પરાગરતનપરા
#GujaratiGhazal #Humour #HusbandLife #MarriageJokes #FunnyPoetry #ParagRatanpara