ભૂલી ગયો

ઉઠાવ્યો હતો ભાર ભૂલી ગયો,
મળી'તી કદી હાર ભૂલી ગયો.

સગાંના દગા, મિત્રના પણ દગા,
હસીને બધા ખાર ભૂલી ગયો.

હિસાબો બધા રાખતો'તો કદી,
હવે સાવ વેપાર ભૂલી ગયો.

ઝરૂખે હતી એ, હતો હું ગલી,
ગલી યાદ, પણ દ્વાર ભૂલી ગયો.

પરાગે ભુલાવ્યાં બધાં નામ, પણ
કદી પણ ન એ પ્યાર ભૂલી ગયો.

– પરાગ રતનપરા

#ગઝલ #વિસ્મરણ #ક્ષમા #હળવાશ #પ્રેમ #પરાગરતનપરા
#GujaratiGhazal #LettingGo #Forgiveness #LightHeart #EverlastingLove #ParagRatanpara