ભૂલી ગયાં?

નદીની મુલાકાત ભૂલી ગયાં?
હતી ચાંદની રાત, ભૂલી ગયાં?

તમે ઝાડ પર નામ મારું લખી,
કરી એ શરૂઆત ભૂલી ગયાં?

નથી મોગરો ત્યાં હવે આંગણે,
તમારી જ સોગાત ભૂલી ગયાં?

અષાઢી ઝડી, એક છત્રી હતી,
ઘટાની જ બારાત ભૂલી ગયાં?

પરાગે હજી સાચવી છે સુગંધ,
તમે આપણી જાત ભૂલી ગયાં?

– પરાગ રતનપરા

#ગઝલ #સ્મૃતિ #પ્રથમપ્રેમ #વિરહ #ફરિયાદ #પરાગરતનપરા
#GujaratiGhazal #Memories #ForgottenLove #Longing #LoversComplaint #ParagRatanpara