ભીતરે

બ્હાર દરિયો શાંત, તૂટેલો કિનારો ભીતરે,
હોઠ પર મલકાટ, ને રડતો બિચારો ભીતરે.

સૌ કહે, ‘કેવો સુખી છે!’ કોણ જોતું’તું, સખી,
આંખના ખૂણે છુપાયેલો ઇશારો ભીતરે?

હું બધાનો આશરો, હું ઓટલો, હું છાંયડો,
પણ મને ક્યાં કોઈ આપે છે સહારો ભીતરે?

રંગ સૌ જોયા કરે છે ઓરડાની ભીંત પર,
કોઈ ના જાણે પડેલો શું નજારો ભીતરે.

ફૂલ જેવો મ્હેકતો દેખાય છે તો આ પરાગ,
શૂળનો પણ છે ઘણો ઊંડો ઉતારો ભીતરે.

– પરાગ રતનપરા

#ગઝલ #ભીતર #છૂપીવ્યથા #સ્મિત #એકલતા #પરાગરતનપરા
#GujaratiGhazal #InnerPain #HiddenSorrow #Smile #Loneliness #ParagRatanpara