ભીંત

બાપના આંગણ વચોવચ ભીંત ઢાળી આપણે,
બે અલગ ચૂલા, અબોલા-રીત પાળી આપણે.

એક થાળીમાં જમીને એક ખાટે ઊંઘતા,
એ બધી યાદો હવે ચૂલે જ બાળી આપણે.

બા હવે છ-છ માસના વારે રહે છે બેઉમાં,
મા તણી મમતા ય વારામાં જ વાળી આપણે.

કોર્ટમાં તારીખ પડતી, ને વકીલો મલકતા,
બાપના નામે ય બોલી ત્યાં ઉછાળી આપણે.

ભીંતમાંથી એક પીપળ આજ ફૂટ્યો છે, ‘પરાગ’,
મૂળ એનાં એ જ, જેને રોજ ટાળી આપણે.

– પરાગ રતનપરા

#ગઝલ #ભાઈ #વહેંચણી #સંયુક્તકુટુંબ #મા #પરાગરતનપરા
#GujaratiGhazal #Brothers #DividedHome #FamilyFeud #AgedMother #ParagRatanpara