ભાઈબંધ

ગામની શેરી, લખોટી, બાળપણનો ભાઈબંધ,
સાથ ખેલ્યો, સાથ ખીજ્યો, ગાંડપણનો ભાઈબંધ.

ભૂખ લાગે જો મને, તો ભાગ રોટીનો ધરે,
યાદ આવે આજ પણ એ ભોળપણનો ભાઈબંધ.

આજ મોટો થઈ ગયો, ને ઑફિસે સૌ ‘સર’ કહે,
નામ લઈ ‘અલ્યા’ કહે, બસ નાનપણનો ભાઈબંધ.

ઠેસ વાગી, સૌ સલાહો આપવા દોડી ગયા,
હાથ ઝાલે, ચૂપ બેસે, શાણપણનો ભાઈબંધ.

આ ‘પરાગે’ ઠોકરો ખાધી પ્રણયમાં, તો ય ત્યાં
સાથ બેસી રોઈ પડ્યો, ઘેલપણનો ભાઈબંધ.

– પરાગ રતનપરા

#ગઝલ #દોસ્તી #ભાઈબંધ #બાળપણ #મિત્રતા #પરાગરતનપરા
#GujaratiGhazal #Friendship #ChildhoodFriend #Bonds #Nostalgia #ParagRatanpara