બેસજો

રોકજો આ દોડ, ને પાસે ઘડીભર બેસજો,
આ નમેલી ખાટલીમાં આજ દિનભર બેસજો.

દોડતાં વીતી જશે આ જિંદગી, સમજો હવે,
આંબલીની છાંયમાં બસ એક ક્ષણભર બેસજો.

ફોનની ઘંટી ભલે વાગ્યા કરે, વાગ્યા કરે,
દીકરીના ખોળલે થઈ બાળ પળભર બેસજો.

સો ઇનામો, સો ખિતાબો ને તિજોરીઓ ભરી,
એ બધું છોડી, ખરા ખોળે જ ભવભર બેસજો.

આખરે તો સૌ જવાના, ને જશે તું પણ ‘પરાગ’,
તો પછી તસવીર સામે આયખાભર બેસજો?

– પરાગ રતનપરા

#ગઝલ #પિતા #પરિવાર #સમય #ઘરડાંમાબાપ #પરાગરતનપરા
#GujaratiGhazal #TimeForParents #SlowDown #Family #Regret #ParagRatanpara