બની જાઉં

થવું છે શું? કહો, આ રાતનો તારો બની જાઉં,
નહીં તો આંગણે માના, ભલે ક્યારો બની જાઉં.

ઉપાડે રોજ માથે ભાર ઘરનો મા ઉઘાડા પગ,
મને ડર છે, કદી એને શિરે ભારો બની જાઉં.

કચેરીમાં કતારો છે, ન આવે ક્યાંય નંબર પણ,
થયું: બસ ફાઇલ બનીને પછી વારો બની જાઉં!

નગરમાં ભીડ છે ભારે, છતાં માણસ નથી મળતો,
થયું કે આજથી હું પણ જરા સારો બની જાઉં.

પરાગે એટલું માગ્યું, હવાનો સાથ જો આપે,
કળી, ભમરા, પવનનો હું સદા પ્યારો બની જાઉં.

– પરાગ રતનપરા

#ગઝલ #ઇચ્છા #મા #જીવન #માણસાઈ #પરાગરતનપરા
#GujaratiGhazal #Aspiration #Mother #Humanity #Becoming #ParagRatanpara