બારી ઉઘાડી

હશે તું, ગણી, આજ બારી ઉઘાડી,
હવાનું થયું રાજ, બારી ઉઘાડી.

ગયા બાપ ગામે, ન આવ્યા ફરી, પણ
હજી મા રહે સાંજ બારી ઉઘાડી.

ભલે બંધ રાખ્યાં બધાં બારણાં મેં,
ચકી-કાબરો કાજ બારી ઉઘાડી.

પડોશી લડે છે જરા સાંજના, ત્યાં
ત્યજી સાસુએ લાજ, બારી ઉઘાડી.

‘પરાગે’ સુગંધો હવાને વહેંચી,
થયો ફૂલનો તાજ, બારી ઉઘાડી.

– પરાગ રતનપરા

#ગઝલ #બારી #પ્રતીક્ષા #ઘર #હાસ્ય #પરાગરતનપરા
#GujaratiGhazal #OpenWindow #Waiting #Home #LightHumour #ParagRatanpara