બાની ડાયરી

એક જૂની ડાયરીમાં ‘બા’ તણો જે સ્વાદ છે,
માપ ‘ચપટી’, માપ ‘થોડું’, તોય સૌ આબાદ છે.

ચૂલ પાસે બા કહેતી, ‘ભૂખ લાગી? આવ, લે’,
આજ પણ એ ‘આવ, લે’નો કાનમાં બસ સાદ છે.

હોટલોના મેનુમાં છે વાનગી સો સો ભલે,
ખીચડી માટે હજી આ પેટની ફરિયાદ છે.

છેવટે જમતી હતી બા, જે વધે થાળી મહીં,
એ જ એંઠો કોળિયો આ જીવનો પરસાદ છે.

આ પરાગે ડાયરીનાં પાન ભીનાં વાંચિયાં,
શબ્દ વચ્ચે બા અને મારો હજી સંવાદ છે.

– પરાગ રતનપરા

#ગઝલ #બા #માતૃપ્રેમ #રસોઈ #સ્મૃતિ #પરાગરતનપરા
#GujaratiGhazal #Mother #MothersRecipes #TasteOfHome #Remembrance #ParagRatanpara