રણ અને સાગર

રણ મહીં પણ કોઈ મીઠી વીરડીની આસ છે,
સાગરે ઊભો રહીને પણ મને તો પ્યાસ છે.

ઝાંઝવાંની પાછળે દોડ્યું હરણ, શો વાંક છે?
આંખ જેને સત્ય માને, એ જ તો વિશ્વાસ છે.

ધોમ તડકે ખાર પકવે, એ મજૂરોના પગે
ઘાવનો ખારો ઘણો, ખારો ઘણો ઇતિહાસ છે.

હું જ સાગર, હું જ રણ છું, તોય ભીતર ક્યાંક તો
એક મીઠા સ્રોતનો ત્યાં ગૂઢ તો આભાસ છે.

આ પરાગે બેઉ ભીતર રાખિયાં રણ-સાગરો,
એક દરિયો આંસુઓનો, એક ખાલી શ્વાસ છે.

– પરાગ રતનપરા

#ગઝલ #રણ #દરિયો #તરસ #અગરિયા #પરાગરતનપરા
#GujaratiGhazal #DesertAndSea #Thirst #SaltWorkers #InnerSpring #ParagRatanpara