અજાણ્યાં

વરસ સાથ ચાલ્યાં, મળીને અજાણ્યાં,
છતાં એક છતમાં, હસીને અજાણ્યાં.

તમે ભીંત પાસે, અમે બારણાંએ,
ઉજાગર હતાં બે, રડીને અજાણ્યાં.

નથી ત્યાં હવે કોઈ ઝઘડો, ન વાતો,
હવે થઈ ગયાં, બસ લડીને અજાણ્યાં.

શમા ને પતંગો હતાં સાથમાં બે,
પરોઢે ગયાં એ બળીને અજાણ્યાં.

પરાગે હવા સંગ માંડ્યો ઘરોબો,
છતાં ફૂલ-ફોરમ વસીને અજાણ્યાં.

– પરાગ રતનપરા

#ગઝલ #સંબંધ #દાંપત્ય #અંતર #એકલતા #પરાગરતનપરા
#GujaratiGhazal #EstrangedHearts #SilentMarriage #Distance #Loneliness #ParagRatanpara