અધૂરી રહી

હતી જે કહાની, અધૂરી રહી,
ઉગી જે જવાની, અધૂરી રહી.

હતી ચૂંદડી લાલ, પીઠી ચડી,
લગનની નિશાની અધૂરી રહી.

હસી ઝેર પીધું, હજી ગાય છે,
છતાં એ દિવાની અધૂરી રહી.

થયો બંધ, ડૂબ્યાં ઘણાં ગામડાં,
નદીની રવાની અધૂરી રહી.

પરાગે ગઝલ આ લખી રાતભર,
ઘડી એ સુહાની અધૂરી રહી.

– પરાગ રતનપરા

#ગઝલ #અધૂરપ #ઇચ્છા #મીરાં #નદી #પરાગરતનપરા
#GujaratiGhazal #Incomplete #UnfulfilledDreams #Meera #River #ParagRatanpara