અડધી રોટલી

અમારી પ્રેમકથામાં
કોઈ કાગળ નથી,
કોઈ ગુલાબ નથી,
કોઈ ચાંદની રાત નથી.

પચાસ વર્ષ પહેલાં
લગ્નની પહેલી રાતે
ઘરમાં
એક જ રોટલી બચી હતી.

એમણે
બે ભાગ કર્યા —
મોટો ભાગ મને આપ્યો.

આજે
દાંત નથી,
દીકરાના ઘરે
ફ્રિજ ભરેલું છે,
થાળીમાં ત્રણ શાક છે.

તોય રોજ સાંજે
એ ધ્રૂજતા હાથે
એક રોટલી તોડે છે,
ને મોટો ભાગ
મારી થાળીમાં મૂકે છે.

લોકો પૂછે છે:
‘તમારી પ્રેમકથા શી?’

હું કહું છું:
‘અડધી રોટલી.’

– પરાગ રતનપરા