અચાનક

મને યાદ તારી જગાવી અચાનક,
પુરાણી કથાએ રડાવી અચાનક.

કબાટે હતો એક કાગળ પુરાણો,
ગડીના ગુલાબે હસાવી અચાનક.

બજારે હતી એ જ રંગીન ઓઢણ,
ફરી એ જ સાંજે ડુબાવી અચાનક.

જલાવી હતી જ્યોત વર્ષો સુધી મેં,
તમારા નિસાસે બુઝાવી અચાનક.

પરાગે છુપાવી હતી જે ગઝલમાં,
પવન એ જ ખુશ્બૂ ઝુલાવી અચાનક.

– પરાગ રતનપરા

#ગઝલ #યાદ #અચાનક #પ્રેમપત્ર #વિરહ #પરાગરતનપરા
#GujaratiGhazal #SuddenMemory #OldLetter #Nostalgia #LostLove #ParagRatanpara