આપણો સંબંધ

આપણો સંબંધ જાણે કાચો સૂતરનો તાર,
ના ગાંઠ પડે, ના તૂટે, બસ ઝૂલે વારંવાર.

તું કહે: ‘ચાલ, એને નામ દઈએ’, હું કહું: ‘રહેવા દે,’
નામ પડે ત્યાં વાડ ઊગે, ને વાડે ઊગે વ્હેમ;
ખુલ્લા ખેતર જેવા રહીએ, વરસે જેમ મેઘ મલ્હાર —
આપણો સંબંધ…

લોક પૂછે: ‘આ કયો નાતો? કઈ નાતનો રિવાજ?’
અમે હસીને કહીએ: ‘જેવો ચાંદ ને દરિયાની લાજ;’
ના અડે, ના છૂટે, તોયે ભરતી આવે અપાર —
આપણો સંબંધ…

પરાગ કહે: આ માપ વિનાનું ગીત જ સૌથી મીઠું,
ના માપ્યું, ના તોળ્યું, તોયે હૈયે જઈને બેઠું;
શબ્દકોશમાં નામ નથી, પણ શ્વાસમાં એનો સાર —
આપણો સંબંધ…

– પરાગ રતનપરા