આપણી

ગાય નરસિંહ જે, તે ગિરા આપણી,
ઝૂલતી ગીર ને આ ધરા આપણી.

માવડી ગાય જે રાતભર ગીતમાં,
ત્યાં વસી છે બધી આ કથા આપણી.

આજ ‘ઇંગ્લિશ’ બધે, ઘર-ગલી-શાળમાં,
ડાયરે ક્યાં હવે એ સભા આપણી?

દૂર પરદેશમાં બાળ બોલે જરા
‘કેમ છો’ — ને ઝગે આ પ્રભા આપણી.

આ પરાગે લખે ગુર્જરીમાં ગઝલ,
મ્હેક જેવી મધુર આ હવા આપણી.

– પરાગ રતનપરા

#ગઝલ #ગુજરાતી #માતૃભાષા #ગુજરાત #સંસ્કૃતિ #પરાગરતનપરા
#GujaratiGhazal #GujaratiLanguage #MotherTongue #Heritage #Culture #ParagRatanpara