વરસાદમાં

ભીની ધરા મ્હેકે ઘણી, હૈયાં મળે વરસાદમાં,
ભૂલી ગયેલી યાદ પણ પાછી વળે વરસાદમાં.

ખેડૂત નાચે ખેતરે, છોરાં બનાવે નાવડી,
ખેતર, ગલી ને ઝૂંપડે, સઘળું ફળે વરસાદમાં.

છત્રી હતી બસ એક, ને આપણ હતાં બે જણ, પછી
ભીંજ્યાં અમે, હસતાં હતાં, લાગ્યાં ગળે વરસાદમાં.

ખાડે પડે ગાડી, અને ગટરો ભરી છલકાય છે,
તોયે સિટીના ‘સ્માર્ટ’ સપનાં ઝળહળે વરસાદમાં.

હોડી બનાવી કાગળે, બાળક થયો પાછો ‘પરાગ’,
ને યાદમાં બા આજ પણ ભજિયાં તળે વરસાદમાં.

– પરાગ રતનપરા

#ગઝલ #પહેલોવરસાદ #ચોમાસું #ભજિયાં #બાળપણ #પરાગરતનપરા
#GujaratiGhazal #FirstRain #Monsoon #RainyDayMemories #SmartCitySatire #ParagRatanpara