વરસાદમાં

આંગણે ભીંજાય તારી ઓઢણી વરસાદમાં,
ને ઝબૂકે આભમાં આ દામિની વરસાદમાં.

તું નથી ત્યાં, મોરના ટહુકા મને દાઝે હવે,
રોજ રોતી કોઈ વિરહી મોરની વરસાદમાં.

દૂરના ઘરમાં જરા છેડ્યો હશે મલ્હાર, ને
રાતભર રોતી રહી એ રાગિણી વરસાદમાં.

હાથમાં છત્રી હતી, તોયે પલળતો હું ગયો,
એ ય તારી યાદ જેવી યામિની વરસાદમાં.

આ પરાગે ઘાસની મ્હેકે લખી આખી ગઝલ,
વાદળે ઢાંકી છતાં એ ચાંદની વરસાદમાં.

– પરાગ રતનપરા

#ગઝલ #વરસાદ #વિરહ #મલ્હાર #ચોમાસું #પરાગરતનપરા
#GujaratiGhazal #RainAndLonging #Monsoon #Separation #Malhar #ParagRatanpara