વાંચીએ

ચલો, પીળા પડેલા એ લખેલી વાત વાંચીએ,
ફરી એ ચાંદની ભીની, અધૂરી રાત વાંચીએ.

અહીં જ્યાં અક્ષરો ઝાંખા, તમે રોયાં હશો ત્યારે,
હવે એ ધૂંધળી ભીની, ઝરી સોગાત વાંચીએ.

હતો છેલ્લો પિતાનો પત્ર: ‘ઘેરે આવ જલદીથી’,
સમય પર ના ગયો, એનો હવે આઘાત વાંચીએ.

હવે તો ફોનના મેસેજ ઊડે, ના ટકે ઝાઝા,
સહી નીચે લખેલી આપણી એ જાત વાંચીએ.

પરાગે સાચવી રાખી સ્મરણની એક ચાદર, ને
હવે આ ચાદરે ઘડપણ તણી જે ભાત, વાંચીએ.

– પરાગ રતનપરા

#ગઝલ #પત્ર #જૂનીયાદો #ઘડપણ #પ્રેમ #પરાગરતનપરા
#GujaratiGhazal #OldLetters #LoveInOldAge #Memories #HandwrittenLove #ParagRatanpara