થયો છું હવે

નદી હું, કિનારો થયો છું હવે,
પ્રવાસી, ઉતારો થયો છું હવે.

હતી આગ જેવી જુવાની કદી,
ઠરેલો તિખારો થયો છું હવે.

પિતાની છડીને હસેલો કદી,
પિતા-શો બિચારો થયો છું હવે.

હતી આંખમાં આગ જેવી ચમક,
ઘસાતો ઇશારો થયો છું હવે.

પરાગે ઘણી મ્હેક વેરી, ખરું,
ખરેલો સિતારો થયો છું હવે.

– પરાગ રતનપરા

#ગઝલ #ઉંમર #ઘડપણ #પિતા #જીવનસંધ્યા #પરાગરતનપરા
#GujaratiGhazal #Ageing #FatherAndSon #TwilightYears #PassageOfTime #ParagRatanpara