તડકે ધરું

ભેજ લાગ્યો છે હૃદયને, આંખને તડકે ધરું,
ભીંજવી ગઈ સાંજ, મારી પાંખને તડકે ધરું.

ગંગમાં ફૂલો વહાવ્યાં, તોય ચોંટી આંગળે,
આ સ્મરણની ભેજવાળી રાખને તડકે ધરું.

ભાઈઓ વચ્ચે હવે તો ભાગલાની વાત છે,
બાપદાદાની રળેલી સાખને તડકે ધરું.

ગાદલામાં સંઘરી’તી નોટ, ભીની થઈ બધી,
ચોરથી ડરતો રહું ને લાખને તડકે ધરું.

આ પરાગે ભેજથી ઝૂકી પડી છે ડાળખી,
ફૂલની ભીની નમેલી શાખને તડકે ધરું.

– પરાગ રતનપરા

#ગઝલ #ચોમાસું #સ્મરણ #પિતા #કુટુંબ #પરાગરતનપરા
#GujaratiGhazal #Monsoon #Remembrance #FamilyLegacy #Melancholy #ParagRatanpara