તારા નામની માળા

તારા નામની માળા ફેરવું, ને મણકે મણકે તારું ગામ,
એકસો આઠ મણકા ગણું, ને એકસો આઠમાં એક જ નામ.

પહેલે મણકે પાદર દેખાય, જ્યાં તેં વાળી'તી ગાય,
બીજે મણકે કૂવો દેખાય, જ્યાં તારી બેડલી ભરાય;
ત્રીજે મણકે મંદિર દેખાય, જ્યાં તેં નમાવ્યું શીશ અવિરામ.
તારા નામની માળા ફેરવું…

લોક કહે, ‘આ ભક્ત થઈ ગ્યો’, હું કહું, ‘હા, ભક્ત તો ખરો’,
પણ મારો ભગવાન તો ઊભો, એ ગામને સીમાડે જરો;
દેવ નહીં, દેવી નહીં, મારે તો તારું જ પ્રેમનું ધામ.
તારા નામની માળા ફેરવું…

માળા તૂટે તો મણકા વેરાય, વેરાય આખું આયખું,
પરાગ કહે, તો ય ગણ્યા કરીશ, જેમ ગણે છે કોઈ પાંખું;
અઢી અક્ષરનું તારું નામ, ને અઢળક એનાં કામ.
તારા નામની માળા ફેરવું…

– પરાગ રતનપરા