સંબંધોનું ગણિત

લાગણીના દાખલામાં રોજ ભાગાકાર છે,
ને અહંનો આપણામાં તો સતત વિસ્તાર છે.

હાથ મળતા, હોઠ મળતા, પણ ન મળતાં પ્રાણ ક્યાંય,
આપણો સંબંધ જાણે શેરનો વેપાર છે.

દીકરાનો ફોન આવે, ‘કેમ છો, બા?’ પૂછતો,
બા કહે ‘સારું’, અને એ રોજનો ઉપચાર છે.

જે ઉછીનું હાસ્ય આપ્યું, એ જ પાછું માગશે,
જિંદગી પણ શ્વાસનો તો એક કારોબાર છે.

આ પરાગે દાખલા છોડી, તને ચાહ્યો, અને
શૂન્યનું પણ ત્યાં થયું પૂરું, હવે ઓંકાર છે.

– પરાગ રતનપરા

#ગઝલ #સંબંધ #લાગણી #અહમ #પ્રેમ #પરાગરતનપરા
#GujaratiGhazal #Relationships #MathOfLove #Ego #UnconditionalLove #ParagRatanpara