શૂન્ય છે

જિંદગીનો દાખલો ગણ્યો, હિસાબે શૂન્ય છે,
ભાગતાં ગુણતાં ઉમેરી, તો જવાબે શૂન્ય છે.

પ્રેમમાં તો એક વત્તા એક બે થાતા નથી,
‘એક’ થાતાં, ને ગણિતની એ કિતાબે શૂન્ય છે.

મયકદે આવ્યો હતો હું ભૂલવા સઘળું, છતાં
યાદ તો સઘળી રહી, ને આ શરાબે શૂન્ય છે.

બાપદાદાની હવેલી, વંશની મોટી કથા,
બૅન્કનું ખાતું જુઓ તો આ નવાબે શૂન્ય છે!

આ પરાગે ગણતરી છોડી, ગઝલ ગાતો ગયો,
મ્હેક આપી દે બધી, તોયે ગુલાબે શૂન્ય છે?

– પરાગ રતનપરા

#ગઝલ #વ્યંગ #ગણિત #જીવનનોહિસાબ #પ્રેમ #પરાગરતનપરા
#GujaratiGhazal #Satire #MathOfLife #LoveEquation #EmptyPride #ParagRatanpara