રોજ સાંજે

બગીચે પુરાણા મળે રોજ સાંજે,
અને સૂર્ય સાથે ઢળે રોજ સાંજે.

હિસાબો દવાના, વ્યથા દીકરાની,
નયન દીવડા શાં બળે રોજ સાંજે.

હતી નોકરી તો હતો માન મોટો,
હવે એ જ ખુરશી છળે રોજ સાંજે.

ઘરે વાત કોને કહે? એટલે તો
બધાંનાં હૃદય ઓગળે રોજ સાંજે.

પરાગે નિહાળ્યું, ઘડી બેસતાં ત્યાં,
ઉદાસી ય હાસ્યે ભળે રોજ સાંજે.

– પરાગ રતનપરા

#ગઝલ #ઘડપણ #મિત્રતા #એકલતા #સંધ્યા #પરાગરતનપરા
#GujaratiGhazal #OldAge #Friendship #Loneliness #EveningOfLife #ParagRatanpara