રળિયામણી

દીકરી આવી પિયર તો, આ ઘડી રળિયામણી,
આંખમાં બાની હરખની એ ઝડી રળિયામણી.

એ જ ઝૂલો, લીમડો ને ઓસરી જૂની હજી,
ઢીંગલી જૂની પટારેથી જડી રળિયામણી.

ઓટલે ભેગાં થયાં'તાં ફોઈ, મામી, સૌ સગાં,
વાત વાતે હાસ્યની વેલી ચડી રળિયામણી.

રાત આખી ગીત ગાયાં, ને ફટાણાં, ને ભજન,
દીકરી બોલી: 'હજી બાકી કડી રળિયામણી'.

જાય પાછી સાસરે, ત્યાં આ પરાગે સાચવી,
ઓરડે એની સુગંધી ત્યાં પડી રળિયામણી.

– પરાગ રતનપરા

#ગઝલ #દીકરી #પિયર #ઉત્સવ #પરિવાર #પરાગરતનપરા
#GujaratiGhazal #DaughterComesHome #Homecoming #Celebration #Family #ParagRatanpara