રહેવા દો

નિખાલસ બાળ છે એને, સદા ભોળો રહેવા દો,
થયો મોટો, છતાં માનો હજી ખોળો રહેવા દો.

તમે ઘર બાંધવા કાપો ભલે આ ઝાડ, પણ એનો
ધરા પર સાંજ ટાણે તો જરા ઓળો રહેવા દો.

બધી ભાષા, બધા ધર્મો, ભલે રંગો જુદા સૌના,
બધાંનો એક ઘર છે આ, ધરા-ગોળો રહેવા દો.

હવે સરહદ ઉપર બંદૂક તાકે બેય દેશોથી,
કબૂતર શાંતિનું છે એ, હજી ધોળો રહેવા દો.

પરાગે ગંધ વેરી છે, નથી એમાં કશે યે ઝેર,
ભલે લાગે ગઝલ સાદી, સ્વરે મોળો, રહેવા દો.

– પરાગ રતનપરા

#ગઝલ #સહઅસ્તિત્વ #પ્રકૃતિ #શાંતિ #નિર્દોષતા #પરાગરતનપરા
#GujaratiGhazal #LiveAndLetLive #Coexistence #Peace #Innocence #ParagRatanpara