રાજી નથી

રાત લાંબી, આજ સૂરજ ઊગવા રાજી નથી,
ને નદીમાં સાંજ પણ આ ડૂબવા રાજી નથી.

બાગમાં સૌ ફૂલને ફરમાન છે: ‘ખીલો હવે,’
એ કળી હઠ પર ચડી છે, ખીલવા રાજી નથી.

બાપ ને બેટો રહે છે એક છતની છાંયમાં,
બેઉ જીદે, કોઈ પણ ના બોલવા રાજી નથી.

ખેડ કીધી, બીજ વાવ્યાં, હાથ જોડ્યા ઈશને,
આભમાં વાદળ ઘણાં પણ વરસવા રાજી નથી.

ફૂલ ખરશે, ને હવામાં ગંધ પણ ભળશે, છતાં
ડાળને તોયે પરાગે ભૂલવા રાજી નથી.

– પરાગ રતનપરા

#ગઝલ #હઠ #અહમ #પિતાપુત્ર #ખેડૂત #પરાગરતનપરા
#GujaratiGhazal #Stubbornness #Ego #FatherAndSon #Farmer #ParagRatanpara