પેલે પાર

નદી ઘેરી, હલેસાં ના, અને છે રાત પેલે પાર,
તને મળવા હતું મન, પણ અધૂરી વાત પેલે પાર.

ઘણાં તીર્થો ગયો, ન્હાયો, ઘણી માળા, ઘણા જપ, પણ
હતો હું પાસ મારી, પણ હતી એ જાત પેલે પાર.

હતાં બે પ્રેમમાં ડૂબ્યાં, હતું મન એક બંનેનું,
છતાં એ આ તરફ ઊભી, રહી એ નાત પેલે પાર.

ગયો પરદેશ હું ભણવા, કમાવા ને થયો ત્યાંનો,
અહીં આ પાર હું બેઠો, રડે છે માત પેલે પાર.

પરાગે શબ્દની નૌકા હલેસાં વિણ ચલાવી, ને
તરી ગઈ ગીત થઈ એ તો, સમંદર સાત પેલે પાર.

– પરાગ રતનપરા

#ગઝલ #પેલેપાર #અંતર #વિરહ #આત્મખોજ #પરાગરતનપરા
#GujaratiGhazal #TheOtherShore #Distance #Longing #Diaspora #ParagRatanpara