પરોણો

દરદનો ય આવે જમાનો પરોણો,
ઘડી બે ઘડીનો ફસાનો પરોણો.

ભલે ધન ગયું, તું ન રડજે જરા પણ,
ઘડીનો હતો એ ખજાનો પરોણો.

કદી એ ઝરૂખે, કદી હું ગલીમાં,
હતો એ ય પ્રેમે દિવાનો પરોણો.

હતી મ્હેફિલો ને હતી વાહ વાહો,
ગયો સાથ સૌનો, તરાનો પરોણો.

પરાગે સજાવી ગઝલ ને ગણાવ્યું:
અહીં દેહ નામે ઠિકાનો પરોણો.

– પરાગ રતનપરા

#ગઝલ #દુઃખ #ક્ષણભંગુર #જીવન #વૈરાગ્ય #પરાગરતનપરા
#GujaratiGhazal #ThisTooShallPass #Impermanence #Life #Detachment #ParagRatanpara