પહેલી પ્રીત

પહેલી પ્રીતનો ખાટો-મીઠો, કાચી કેરી જેવો કેફ,
પહેલી વારકો ઝાંખો ઝાંખો હૈયે લાગ્યો વ્હેમ.

નિશાળ છૂટી, કેડી વળી, ને સાઇકલની ઘંટડી રણકી,
પાછળ જોયું ન જોયું ત્યાં તો ચોટલી મારી છણકી;
સહિયર પૂછે, ‘શું થયું તને?’ હું કહું, ‘કંઈ નહીં, એમ’…
પહેલી પ્રીતનો…

દફ્તરમાં એક ગુલાબ મળ્યું, ના નામ, ન કોઈ ચિઠ્ઠી,
આખી રાત એ પાનાં વચ્ચે મ્હેક રહી ગઈ મીઠી;
માડી પૂછે, ‘દીવો કેમ ઓલવતી નથી?’, હું કેમ કહું કે કેમ…
પહેલી પ્રીતનો…

પરાગ કહે: આ કાચી ઉંમરના કાચા છે સૌ રંગ,
પાકે ત્યારે ખબર પડે, કે કેવો હતો એ સંગ;
આજે ભલે સૌ હસે, પણ સૌએ જીવ્યો આ જ પ્રેમ…
પહેલી પ્રીતનો…

– પરાગ રતનપરા