પાછો વળું

યાદની કેડી ઉપર હું ઠોકરે પાછો વળું,
ઘર સુધી આવું, છતાં હું ઊંબરે પાછો વળું.

ક્યાંક તારી ઓઢણીનો રંગ દેખાતો અને
ત્યાં જ અટકું, ને પછી એ કાંકરે પાછો વળું.

કાગ બોલે, ને થતું, કે આજ તું આવી હશે,
દોડતો ડેલી સુધી, ને અંતરે પાછો વળું.

એ નદીનો ઘાટ, જ્યાં તું રોજ ગાતી ગીત કો’,
ત્યાં જ બેસું પળ, પછી એ પથ્થરે પાછો વળું.

આ પરાગે તો ઘણી વેળા વિચાર્યું, ભૂલવું,
પણ ગઝલના એક નાના અક્ષરે પાછો વળું.

– પરાગ રતનપરા

#ગઝલ #યાદ #વિરહ #સ્મરણ #પ્રેમ #પરાગરતનપરા
#GujaratiGhazal #MemoryLane #Separation #Longing #LostLove #ParagRatanpara