ઊઘડે

ભોર થઈ, બાગમાં પાંખડી ઊઘડે,
સ્વપ્નથી જાગતી આંખડી ઊઘડે.

ચૂલમાં આગ લઈ ઓસરી જાગતી,
એ જ સાથે દુખી ઝૂંપડી ઊઘડે.

હળ ખભે, બળદ સાથે, જતો ખેડુ ત્યાં,
શીશ પર રેશમી પાઘડી ઊઘડે.

રાતભર જે રહી બંધ સાડી મહીં,
એ જ માની હવે ગાંઠડી ઊઘડે.

ફૂલ પર બેસતાં સૂર્ય કેરું કિરણ,
ને પરાગે ભરી ચૂંદડી ઊઘડે.

– પરાગ રતનપરા

#ગઝલ #પરોઢ #ગામડું #મા #પ્રકૃતિ #પરાગરતનપરા
#GujaratiGhazal #Dawn #VillageMorning #Mother #NatureImagery #ParagRatanpara