નવો મેઘદૂત

પ્રથમ મેઘ, લઈ જા પ્રિયાને ખબર,
નથી ફોનમાં નેટ, ઠપ છે નગર.

હસે સ્વર્ગમાં કાલિદાસે ય, લે,
ફરી મેઘદૂતો લખાશે અમર.

કહેજે: ખુલી રાખજે બારણું,
પલળતો પહોંચીશ હું રાતભર.

ભલે એ પલળશે, મને સાંભરે,
મને ભીંજવે એ જ એની અસર.

પરાગે ધરી મ્હેક પાંખે તને,
ઉડી જા હવે તું સખીને જ ઘર.

– પરાગ રતનપરા

#ગઝલ #અષાઢ #મેઘદૂત #વિરહ #વરસાદ #પરાગરતનપરા
#GujaratiGhazal #Meghdoot #MonsoonLove #CloudMessenger #Longing #ParagRatanpara