નથી હું

ઘરે શોભતી ફૂલ-ક્યારી નથી હું,
દયા માગતી કો બિચારી નથી હું.

તમે બાંધશો ઉંબરે સાત બંધન,
તમારી સજેલી અટારી નથી હું.

ભલે વીજ છું, વાદળી છું, નદી છું,
કિનારા તણી કો કિનારી નથી હું.

પિતા, ભાઈ, પતિ, પુત્રના નામ વચ્ચે,
સ્વયંની જ છું, બસ તમારી નથી હું.

પરાગે સુણી દીકરીની ગરજના:
‘નથી પાલખી, કે સવારી નથી હું.’

– પરાગ રતનપરા

#ગઝલ #સ્ત્રીશક્તિ #સ્વાભિમાન #દીકરી #સ્વતંત્રતા #પરાગરતનપરા
#GujaratiGhazal #WomanPower #SelfRespect #Daughter #Freedom #ParagRatanpara