મૌનમાં

હવે સાંભળું છું ભજન મૌનમાં,
નયન બંધ, ખૂલ્યું ગગન મૌનમાં.

ન ઝાલર, ન ઘંટા, ન તાળી કશે,
છતાં હોય છે સૌ નમન મૌનમાં.

નથી મા હવે, છો છબી ચૂપ છે,
હજી એ જ ઝીલું વચન મૌનમાં.

વિદાયે હસી દીકરી, પણ પછી
છુપાવ્યું પિતાએ રુદન મૌનમાં.

પરાગે ન બોલ્યો કશું ફૂલને,
ગયો મ્હેક દઈ, લઈ પવન મૌનમાં.

– પરાગ રતનપરા

#ગઝલ #મૌન #અનાહત #અધ્યાત્મ #પિતાહૃદય #પરાગરતનપરા
#GujaratiGhazal #Silence #InnerSound #Sufi #UnspokenGrief #ParagRatanpara