માળો

ઝૂંપડીમાં આભ આખો રાતનો માળો હતો,
ભૂખ પણ રોતી નહીં, એવો મધુર ગાળો હતો.

ફાટલી એ ગોદડીમાં વારતા બા ગૂંથતી,
ને શિયાળો પણ અમારે ઘેર હૂંફાળો હતો.

એક બીડી, એક રોટી, ને પિતાની એક ખાટ,
તોય મોંઘી હાટનો ક્યાં કોઈ ત્યાં ચાળો હતો?

આજ લાખોના હિસાબે રાતભર જાગ્યા કરું,
કાલ ખિસ્સે પાઈ નો’તી, તોય સરવાળો હતો.

સાવ સૂકી ભોમ પર પણ, કોણ માને, ઓ ‘પરાગ’,
ઓરતાનો એક ભીનો મોલ હરિયાળો હતો.

– પરાગ રતનપરા

#ગઝલ #બાળપણ #ગરીબી #ઝૂંપડી #સંતોષ #પરાગરતનપરા
#GujaratiGhazal #ChildhoodPoverty #RichInSpirit #Contentment #Nostalgia #ParagRatanpara